ఈ పుట ఆమోదించబడ్డది
రేకు: 0050-01 ముఖారిసం: 01-3౦4 అధ్యాత్మ
పల్లవి:
ఎఱుక గలుగునాఁ డెఱఁగఁడటా
మఱచినమేనితో మరి యఱిఁగీనా
చ.1:
పటువైభవములఁ బరగేటినాఁడే
తటుకున శ్రీహరిఁ దలఁచఁడటా
కుటిలదేహియై కుత్తికఁ బ్రాణము
తటతటన దరఁగఁ దలఁచీనా
చ.2:
ఆలుబిడ్డలతో మహసుఖ మందుచు
తాలిమితో హరిఁ దలఁచఁడటా
వాలిన కాలుని వసమైనప్పుడు
దాలు వెండఁగాఁ దలఁచీనా
చ.3:
కొఱఁతలేక తేఁకువఁ దా నుండేటి-
తఱి వేంకటపతిఁ దలఁచఁడటా
మఱులు దేహియై మఱిచివున్నయడ
తఱచుటూరుపులఁం దలఁచీనా
