ఈ పుట ఆమోదించబడ్డది
రేకు: 0౦49-06 సామంతం సం; 01-303 అథ్యాత్మ
పల్లవి:
ఘనమనోరాజ్యసంగతి చెలఁగినఁగాని
జనుల కెప్పుడు నాత్మసౌఖ్యంబు లేదు
చ.1:
ప్రతిలేనిధైర్యంబు పదిలపరచినఁ గాని
మతిలోనిపగవారిమద మణఁపరాదు
మితిలేనిశాంతమనుమేఁటికైదువఁ గాని
క్రితకంబువిషయముల గెలుపెరఁగరాదు
చ.2:
సొ రిది నిర్మోహమనుజోడు దొడిగినఁ గాని
వెరపుడిగి మమతవే వెళ్లఁబడరాదు
యిరవైన విజ్ఞానపింట నుండినఁ గాని
అరసి జగమెల్ల తానై యేలరాదు
చ.3:
యిన్నియునుఁ దిరువేంకటేశుఁ డిచ్చినఁ గాని
తన్నుఁదానెరిఁగి యాతనిఁగొలువరాదు
కన్నులను వెలి లోను గలయఁజూచిన గాని
సన్నంబుఘనమనెడిజాడ గనరాదు
