ఈ పుట ఆమోదించబడ్డది
రేకు: 0౦45-01 వరాళి సం: 01-273 వైరాగ్య చింత
పల్లవి:ఎచ్చోటి కేఁగిన యెప్పుడూఁ దమలోని -
మచ్చిక పెనుఁదెవులు మానకపోయె
చ.1:పాయపు సతులగుబ్బల పెదపొట్లాల
కాయము వడి నొత్తి కాఁచఁగను
రాయిడిచే ఘనమాయఁగాని లోని-
మాయపు పెనుఁదెవులు మానకపోయె
చ.2:అతివల మోహపుటధరామృతములు
యితవుగ నోరి కందియ్యఁగను
అదిమోహమే ఘనమాయఁగాని లోని-
మతకరిపెనుఁదెవులు మానకపాయె
చ.3:తరుణుల మేనిమెత్తనిపరపులమీఁద-
నిరవుగ నిటు సుఖియించఁగను
తిరువేంకటాచలాధీశుకృపచేఁగాని
మరుచేతి పెనుఁదెవులు మానకపోయె