ఈ పుట ఆమోదించబడ్డది
రేకు: ౦౦44-05 కన్నడగౌళ సం: 01-272 వేంకటగానం
పల్లవి:సతతవిరక్తుఁడు సంసారి గాఁడు
రతిసమ్మదుఁడు విరక్తుఁడు నితఁడె
చ.1:నిత్యుఁడైనవాఁడు నిఖిలలోకములఁ
బ్రత్యక్షవిభవ సంపన్నుఁడు గాఁడు
నిత్యుఁడు నితఁడే నిరుపమానుఁడైన
ప్రత్యక్షవిభవ సంపన్నుఁ డితఁడె
చ.2:యోగియైనవాఁడు వొనర నేకాలము
భోగియై భోగిపై భోగింపలేఁడు
యోగియు నితఁడే వుడుగక భోగిపై
భోగించునటువంటి పురుషుండు నితఁడె
చ.3:దేవుడైనవాఁడుఁ దెలుప లోకముల
దేవతారాధ్యుఁడై దీపింపలేఁడు
దేవుఁడు నితఁడే దివిజవంద్యుఁడైన
శ్రీవేంకటగిరిదేవుండితఁడె