ఈ పుట ఆమోదించబడ్డది
రేకు: 0043-02 సామంతం సం: 01-262 భక్తీ
పల్లవి: నారాయణ నీనాముము బుద్ధిఁ
జేరినాఁ జాలు సిరులేమి బాఁతి
చ.1: ననుపైన శ్రీవిష్ణునామము పేరు-
కొనఁగానే తేఁకువ మీరఁగా
ఘనమైన పుణ్యాలు గలుగఁగా తమ-
కనయముఁ బరమది యేమిబాఁతి
చ.2: నలువైన శ్రీహరినామము మతిఁ
దలఁచిననాబంధము లూడఁగా
యెలమి దీనిఁ బఠియించినా యీ-
కలుషములేల కలుగు నెవ్వరికి
చ.3: వేంకటపతి నామవిభవము కర్మ
పంకములెల్లఁ బరిమార్చఁగా
బింకమై తలఁపెడి ప్రియులకుఁ యెందు-
నింక నీ సుఖమిది యేమిబ్రాఁతి