ఈ పుట ఆమోదించబడ్డది
రేకు: 0043-03 ఆహిరి సం: 01-263 వైరాగ్య చింత
పల్లవి: మోహము విడుచుటే మోక్షమది
దేహ మెఱుఁటే తెలివీనదే
చ.1:ననిచిన తనజన్మముఁ గర్మముఁ దన-
పనియు నెఱుగుటే పరమ మది
తనకు విధినిషేధములుఁ బుణ్యముల-
ఘనత యెఱుగుటే కలిమి యది
చ.2:తఱిఁదఱి బ్రేమపుతల్లిదండ్రులను
యెఱఁ గనిదే కులహీన తది
చఱులఁ బొరలి యాచారధర్మములు
మఱచినదే తనమలిన మది
చ.3:కమ్మరఁ గమ్మరఁ గామభోగములు
నమ్మి తిరుగుటే నరక మది
నెమ్మది వేంకటనిలయునిదాసుల-
సొమ్ముయి నిలుచుట సుకృత మది
