ఈ పుట ఆమోదించబడ్డది
రేకు: 0౦40-01 సామంతం సం; 01-243 అథ్యాత్మ
పల్లవి:నిగమనిగమాంత వర్ణిత మనోహర రూప
నగరాజధరుఁడ శ్రీనారాయణా
చ.1:దీపించు వైరాగ్య దివ్యసౌఖ్యం బియ్య-
నోపకకదా నన్ను నొడఁబరుపుచు
పైపైనె సంసారబంథములఁ గట్టేవు
నాపలుకు చెల్లునా నారాయణా
చ.2:చీకాకు పడిన నాచిత్తశాంతము సేయ-
లేకకా నీవు బహులీల నన్ను
కాకుసేసెదవు బహుకర్మములఁ బడువారు
నాకొలఁదివారలా నారాయణా
చ.3:వివిధనిర్భంధముల వెడలఁద్రోయక నన్ను
భవసాగరములఁ దడఁబడఁ జేతురా
దివిజేంద్రవంద్య శ్రీతిరువేంకటాద్రీశ
నవనీతచోర శ్రీనారాయణా
