ఈ పుట ఆమోదించబడ్డది
రేకు: 0040-02 కాంబోదిసం: 01-244 అంత్యప్రాస
పల్లవి:తెల్లవారనియ్యరో తెరువు యీ-
పల్లదపుదొంగలెల్లఁ బారాడుతెరువు
చ.1:దొంతరపూవులతోఁట తూరుపుఁ దెరువు
చింతపూవుఁ దేనెలచెమ్మ తెరువు
సంతులేని సతియింటిచాయ తెరువు
యింతలోనె చలిఁబడి యెండదాఁకే తెరువు
చ.2:పాముపుట్ట గొంటిమీఁది పడుమటితెరువు
చీమకదొంతరలోనిచిన్న తెరువు
గాములుగాచుక యుండే గాలి తెరువు
యేమిటా నెక్కడవుత నెరఁగనితెరువు
చ.3:అన్ని దిక్కులునుఁ దానేయైవున్న తెరువు
పన్నీటి కాలువలబాట తెరువు
కన్నుల వేంకటపతిఁ గన్న తెరువు
మిన్నునేలఁగూడినమీఁది తెరవు
