ఈ పుట ఆమోదించబడ్డది
రేకు: 0035-01 బౌళి సం; 01-214 భక్తి
పల్లవి: ఎండగాని నీడగాని యేమైనఁగాని
కొండలరాయఁడే మా కుల దైవము
చ.1: తేలుగాని పాముగాని దేవపట్టయినఁగాని
గాలిగాని ధూళిగాని కాని యేమైనా
కాలకూటవిషమైన గక్కున మింగిన నాటి
నీలవర్థుఁడే మానిజ దైవము
చ.2: చీమగాని దోమ గాని చెలఁది యేమైనఁని
గాముగాని నాముగాని కాని యేమైనా
పాములన్నిమింగే బలుతేజిపైనున్న
థూమకేతువే మాకు దొర దైవము
చ.3:పిల్లిగాని నల్లీగాని పిన్న యెలుకైనఁగాని
కల్లగాని పొల్లగాని కాని యేమైనా
బల్లిదుఁడై వేంకటాద్రిపైనున్నయాతఁడే మ-
మ్మెల్లకాలమును నేలేయింటి దైవము
