ఈ పుట ఆమోదించబడ్డది
రేకు: 0034-06 సాళంగం సం: 01-213 అథ్యాత్మ
పల్లవి: తన కర్మమెంత చేఁతయు నంతే
గొనకొన్న పనియంత కూలీనంతే
చ.1:తలఁపులో హరి నెంత దలఁచె నేఁడే వాని
కలిమియు సుఖమును గల దంతే
తులందూఁచ బైఁడెంత తూఁకము నంతే
నెలకొన్నపిండెంత నిప్పటీ నంతే
చ.2:సిరివరుపూజెంత సేసె నేఁడే వాని-
దరియును దాపు నెంతయు నంతే
పురిగొన్న యీవెంత పొగడూ నంతే
నరపతిచనవెంత నగవూ నంతే
చ.3:శ్రీవేంకటపతి చింత యంత నేఁడే
భావపరవశము పలుకూ నంతే
దైవము కృప యంత తానూ నంతే
యేవంక జయమెంత యిరవూ నంతే
