ఈ పుట ఆమోదించబడ్డది
రేకు: 0034-05 ఆహిరి సం: 01-212 అధ్యాత్మ
పల్లవి:ఆసమీఁద విసుపౌదాఁక యీ
గాసిఁ బరచుతన కపటమే సుఖము
చ.1: తిరమగుఁ కర్మము దెగుదాఁక తన-
గరిమ సుఖము పాగడునందాఁక
పరమార్గం బగపడుదాఁక తన-
పరితాపపు లంపటమే సుఖము
చ.2: కాయము గడపల గనుదాఁక యీ
మాయ దన్ను వెడమరుదాఁక
రాయడి మదము గరఁగుదాక యీ-
రోయఁదగిన తనరూపమే సుఖము
చ.3:లంకెలఁ బొరలి నలఁగుదాఁక యీ
యంకెల భవము లెరవౌదాఁక
వేంకటపతిఁ దడవిన దాఁక యీ
కింకురువాణపు గెలుపే సుఖము