రేకు: 0018-01 సాళంగం సం: 01-107 వైరాగ్య చింత
| పల్లవి : |
పుట్టుమాలిన బరుబోఁకివి నన్నుఁ
దిట్టే వదేమోసి దిమ్మరిమాయ
|
|
| చ. 1: |
ఒరపులాడక పోవె వోసి మాయ నాతోఁ
దొరలేవు నిను ముట్ట దోసము
వెరపించే వేమోచి విష్ణుభక్తినంటా -
నెరఁగనటే నీయేతు లన్నియును
|
|
| చ. 2: |
వుదుటు చెల్లదు పోపో వోసి మాయ నా-
యెదుర మాఁటలు నీకు నిఁకనేలే,
వదరేపు హరిభక్తి వనిత, తెలియరు నే-
నిదురవుచ్చినవారు నీవు నా కెదురా
|
|
| చ. 3: |
వొల్లవటే జీవ మోసిమాయ నీ
కల్లలిన్నియును లోక మెఱఁగును,
నల్లనివిభునిమన్ననభక్తినంటాఁ
జెల్లఁబో పాపపుచేఁదు మేయకువే
|
|
| చ. 4: |
పూరకుండవుగా వోసిమాయ నిన్నుఁ
బేరఁ బిలువము గుంపెనలాడేవు,
నారాయణభక్తినాతి నన్నును నిన్నుఁ
గోరి యుందరు నెఱఁగుదు రేల పోవె
|
|
| చ. 5: |
వోవవు ననుఁజూచి వోసిమాయ నా-
తోవ వచ్చినను నొత్తువు నీవు,
శ్రీ వేంకటగిరిదేవునిభక్తి నా -
హవళికే నిన్ను నలమి రిందరును
|
|
