పుట:తరికొండ నృసింహశతకము (తరికొండ వేంగమాంబ).pdf/40

చ.⁠

అనిశము దుష్టవర్తనుల నార్గురి సాధక మెట్లు చేతు? నా మనమున నుండుటన్ దురభిమానము నెట్ల సవాలు చేతు? మ జ్జనమును, భోజనం బుడుగు సాధక మే గతిఁ జేతు? నింక నా కును నొకదారిఁ జూపు! తరిగొండ నృసింహ! దయాపయోనిధీ!

⁠ 27

భావం:

దయాసముద్రుడవయిన తరిగొండ లక్ష్మీనృసింహదేవా! ఎల్లవేళలా చెడుగా ప్రవర్తించే నాలోని ఆరుగురిని (అరిషడ్వర్గాన్ని) ఏ విధంగా అదుపు చెయ్యగలను? ముఖ్యంగా, నామనస్సులోనే ఉండే దురభిమానాన్ని ఎలాగున దబాయించి నిరోధించగలను? స్నానం, పానం, భోజనం - వీటిని విడిచిపెట్టడం ఏ ప్రకారంగా సాధించ గలను? ఈ విషయంలో నీవే నాకు ఒక మార్గాన్ని నిర్దేశించవయ్యా! మహాత్మా!