పుట:తరికొండ నృసింహశతకము (తరికొండ వేంగమాంబ).pdf/41

చ.⁠

ఎనసి మనంబుతోడ సకలేంద్రియముల్ పెడఁబాయఁజాలకే ఘనముగఁ గర్ణరంధ్రములు గానముఁ గోరుచునుండుఁ, జర్మమున్ తనరఁగ దూది పానుపులు తక్కక కోరుచునుండుఁ జూడు! దు ర్గుణముల కేమనందుఁ? దరిగొండ నృసింహ! దయాపయోనిధీ!

⁠ 28

భావం:

దయాసముద్రుడవయిన శ్రీ తరిగొండ లక్ష్మీనరసింహదేవా! నాయందలి జ్ఞానేంద్రియ, కర్మేంద్రియాలన్నీ మనస్సునే అంటిపెట్టుకొని, ఎడబాయకుండా ఉన్నాయి. ఆ రీతిగా చెవులు ఇంపైన గానాన్ని వినగోరుతున్నాయి; చర్మం మెత్తని స్పర్శగల దూదిపరుపులను కోరుతూ వుంది. తక్కిన ఇంద్రియాలు కూడా ఇలాగే మనస్సును తమ తమవైపులకు లాగుతూవున్నాయి. ఇక, ఈ ఇంద్రియాల దుర్గుణాలను గూర్చి ఏమని చెప్పగలను? (భక్తవత్సలుడవయిన నీవే వీటిని చక్కబరుపగల మనోనిగ్రహాన్ని ప్రసాదించు ప్రభూ!)