పుట:చిత్రభారతము (చరికొండ ధర్మన).pdf/48

మ.⁠

ఘనరావంబు చెలంగ భృంగి వినుతుల్ గావించి పాడంగఁ గా ననమం దెచ్చట నీలకంఠవిలసన్నాట్యంబు రంజిల్లెఁ దా ఘనరావంబు చెలంగ భృంగి వినుతుల్ గావించి పాడంగఁ గా ననమం దెచ్చట నీలకంఠవిలసన్నాట్యంబు రంజిల్లదే.

⁠ 19

తే.⁠

పృథుతటిద్దేహనవ్యతాపింఛచికుర గురుపయోధరకుచయునై కోర్కి మీఱఁ బ్రావృడంగన యినునిపైఁ జేవఁగొన్న తమిని వెడలంగనీయక దాఁచె నతని.

⁠ 20

తే.⁠

మొగులుగతి నిమ్ముకొన్నట్టి మొగులు చెలఁగ నలరు మెఱుపులకైవడి నలరుమొగ్గ గములఁ బొడమెడుతావి భృంగములు గ్రోలి తరులఁ గనుపట్టెఁ గేతకీతరుల మెఱసి.

⁠ 21

సీ.⁠

కులపర్వతములు ఱెక్కలతోడ నెగసెనాఁ              గంధరంబులు మింటఁ గలయఁ బర్వె మందరాచలమథ్యమానార్ణవధ్వాన              మన మేఘనిర్ఘోష మతిశయిల్లెఁ గల్పాంతసమయాగ్నికణము లొక్కుమ్మడిఁ              బడియెనో యనఁగఁ బెన్బిడుగు లురలె వజ్రంబు దేవతావల్లభుం డురువడి              జళిపించె ననఁగఁ జంచలలు మెఱసె

⁠

తే.⁠

మత్తశుండాలశుండాసమానపతద నూనధారాళధారానవీననీర

⁠