పుట:చిత్రభారతము (చరికొండ ధర్మన).pdf/175

వ.⁠

ఇట్లు ధరించి.

⁠ 88

ఆ.⁠

మనుజకామినులకు విను దేవతాయోగ్య వస్తువితతి యొసఁగ వలను గాదు సత్యభామ, పారిజాతపుష్పంబులు నీకు నీయరాదు నిక్కువంబు.

⁠ 89

వ.⁠

అని పులోమజ శ్రీకృష్ణుప్రభావం బెఱుంగనిదై నోనాడిన నాహరిప్రియ యచట నిల్వక తనవిడిదికి నరిగి.

⁠ 90

ఉ.⁠

ఈసును గోపము న్మది వహించి పులోమజవేఁడిమాటకై గాసిలి మేనసొ మ్ముడిపి కన్నులఁ గ్రమ్మెడునీటఁ జందనం బోసరిలంగఁ జేసి శిర మొయ్యన వంచి కపోలపాళిపైఁ జే సమకొల్పి యొక్కయెడఁ జింతిలుచుండెడునంతలోపలన్.

⁠ 91

మ.⁠

హరి యబ్భామినిఁ జేరవచ్చి యను నీ వానందశూన్యాత్మ వై పరితాపంబునఁ బొంద నేమినెప మాపౌలోమి [1]కల్పించెఁ? బె ద్దఱికం బేమియుఁ జేయదో యచటికాంతల్ నిన్ను నెగ్గాడిరో హరిఁగన్నమ్మయు గారవింపదొకొ నెయ్యం బొప్పఁగా మానినీ!

⁠ 92

చ.⁠

నరకునితోడఁ బోరునెడ నా కొకయించుక కేలు డస్సినన్ సుర లరుదంది నీవిధముఁ జూడ శరావలిచేత వైరితో దుర మొనరించు సాహసము [2]దూఁకొని పైకొని కన్యకావళిం బరిణయమౌటకై పురికిఁ బంపినయందుకుఁ గోపగించితో.

⁠ 93

ఉ.⁠

ఏమిటి కింతవంత తరళేక్షణ! చెప్పుమటన్న లేచి య బ్భామిని చన్నుదోయిపయిఁ బయ్యెదకొంగు దలంగి జాఱ నె మ్మో మరవాల్చి యూరుపుల ముంగరముత్యము గంద నేడిచెన్

⁠

1. గర్వించి పె
2. తో విడిపించినకన్యకావళిం