పుట:ఘటికాచలమాహాత్మ్యము (తెనాలి రామకృష్ణుడు).pdf/180

ద్వితీయాశ్వాసము

99

⁠

నర్కరథమున కొనర మధ్యాహ్నవేళ గతి విలంబంబు గావించు కరణిదాని.

⁠ 235

సీ.⁠

నెత్తంబులందు మానికముల కలిమిచే మేరు [1]మహీధ్రమ్ము దూరుచేసి రహిమించు పటికంపు రాగుంపు సొంపున కైలాసకుధరమ్ము కాకుచేసి నెలరాతి[2]చాలుపు వలి[3]నీటిజాలున హిమవన్నగేంద్రమ్ము నీసడించి సిగరమ్ములను నిగనిగబంగరువునను హేమకూటనదంబు నెగ్గులెన్ని సురభి[4]చందనశాఖి సంశోభి యగుట మలయధరణిధరేంద్రమ్ముఁ జులకఁ జేసి బహుతరంబైన చామరప్రతతి కలిమి నొలసి నగరాజభావమ్ముఁ దెలుపుదాని.

⁠ 238

క.⁠

[5]పటికాక్షసరముఁ జేకొని ఘటికామాత్రము జపింప మనమగు సిద్ధుల్ ఘటియింపఁజేయు దానిన్ [6]ఘటికాద్రిని నచలభక్తిఁ గనుగొని యచటన్.

⁠ 237

మ.⁠

ఫలతీర్ధాహ్వయ తత్సరోవరతటప్రాంతంబున న్నిల్చి ని శ్చలవృత్తిం దపమాచరించుమునులన్ సాధుక్రియంగాంచి వా రలు దర్భాసన వంద నార్చన లొనర్పన్ బ్రేమఁగైకొంచు ను జ్జ్వలవాక్ప్రౌఢిమఁ బల్కిరిట్టులని వాత్సల్యంబు దీపింపగన్.

⁠ 238

చ.⁠

అనిశము నర్థకామములయందు విరక్తతఁ దెల్పెడున్ భవ ద్ఘనతరచిత్తశాంతి మరిధర్మము మీ రెటనుందురందు మీ మనముననుండు మోక్షదుఁడు మాధవు డింకఁ దపఃప్రవృత్తి కై మొనసినకోర్కి యేది మది మోదముతో నది మాకుఁ దెల్పుఁడా!

⁠ 239

1. మహీంద్రమ్ము. తా.
2. చాలిపెన్. పూ. ము. తా.
3. నిండు. పూ. ము.
4. నందన పూ. ము.
5. స్ఫటికా. పూ. ము.
6. ఘటికాచలమచలభక్తి. పూ. ము. తా.