పుట:కుమారసంభవము.pdf/12

2

కుమారసంభవము

చ॥⁠

అమితరజోగుణస్ఫురణ నావహమై పరమేశుదక్షిణాం గమున జనించి భక్తిఁ జిరకాలము సద్విధిఁ గొల్చి తత్ప్రసా దమున నజాండలోకజనితత్వసువేదకళాగమాదివి శ్వము సృజియించి పొల్చునజు వాగ్విభు సంస్తుతిచేసి సన్మతిన్.

⁠ 5

చ॥⁠

అనుపమదివ్యమూర్తి యనునంతియ కాదు భవాష్టమూర్తులం దును వరమూర్తి దాస ప్రభతోడ జగజ్జనరాజి కెల్ల నిం దనయము దానదృష్టి యనునంతియ కాదు త్రిలోచనాదిలో చనములు దానయైనరవి చారునిజప్రభ మాకు నీవుతన్.

⁠ 6

చ॥⁠

తను వసితాంబుదంబు సితదంతయుగం బచిరాంశు లాత్మగ ర్జన మురుభర్జనంబు గరసద్రుచి శక్రశరాసనంబునై చన మదవారివృష్టి హితసస్యసమృద్ధిగ నభ్రవేల నాఁ జనుగణనాథుఁ గొల్తు ననిశంబు నభీష్టఫలప్రదాతగాన్.

⁠ 7

క॥⁠

తనజనకుఁ డురుస్థాణువు | జనని యపర్ణాఖ్య దా విశాఖుం డనఁగాఁ దనరియు నభిమతఫలముల | జనులకు దయ నొసఁగుచుండు షణ్ముఖుఁ గొలుతున్.

⁠ 8

క॥⁠

హరుఁ డాదిగ సకలచరా | చరమయజీవాళి నెల్ల సతతముఁ గామా తురులుగ వలగతిఁ జేసిన | మరుఁ డీవుత మఖిలవశ్యమతి మత్కృతికిన్.[1]

⁠ 9

చ॥⁠

మునిమనుజాశురాహిసురముఖ్యులు మున్నుగ సర్వజీవులం దనవశ మర్థి జేసి మునుదర్పకు నోర్చినవీతరాగిఁ జి ద్ఘనతను నీశు నాత్మశుభగస్థితి మైమెయి నర్ధనారిఁ జే సిననగజాత మత్కృతిని జేకొని తత్సుభగత్వ మీవుతన్.

⁠ 10

క॥⁠

వేదాగమరూపమున మ | హాదేవు నపారగుణమహాస్తుతిసం పాదిత యగుభారతి నేఁ | డాదిగ మత్కతికి నెలయునది గాక దయన్.

⁠ 11

గీ॥⁠

అన్యదైవవితతి నర్చించుకొలువు తా | డిడి ఫలంబుగొనుట పడయఁగనెడి సద్వరిష్టఫలదు జంగమమల్లికా | ర్జునునిఁ గొలుపు మొసరుమునుఁగఁగొనుట.[2]

⁠ 12

1. వలగతి = అనురాగపురీతితో
2. మొసరుమునుఁగకొనుట = మకరందముతోడ సంపూర్ణముగా నందుకొనుట యని తోఁచుచున్నది.