పుట:కుక్కుటేశ్వరశతకము.pdf/56

⁠

భూనుతవిలాస, పీఠికాపురనివాస, కుముదహితకోటిసంకాశ, కుక్కుటేశ!

⁠ 88

సీ.⁠

నోరు చేఁదై కూడుగూరలు చవి దప్పు                    గడగడ నొడలెల్ల వడకుచుండు జెవుడున నేమియుఁ జెవులకు వినరాదు                    తెగులును జింతయుఁ దగులుకొనుచు కన్నులఁ బొర గప్పి కానరాదెద్దియు                    సిగ్గొకించుకయైనఁ జేరఁబోదు బాలు రందఱుఁ గూడి గేలి గావింతురు                    మగువలు పకపక నగుచునుంద్రు

⁠

తే.⁠

మదిఁ దలంపగఁ గటకటా ముదిమియంత రోఁత లేదు గదా ధారుణీతలమున, భూనుతవిలాస, పీఠికాపురనివాస, కుముదహితకోటిసంకాశ, కుక్కుటేశ!

⁠ 89

సీ.⁠

బావిలోపలఁ బడ్డ పామును వెడలింపఁ                    జనువానిఁ గరువక చనఁగఁగలదె చిచ్చులోఁ బడెడు వృశ్చికమును వెడలింపఁ                    జనువాని మీటక నడలఁగలదె పెనువెల్లిఁ బడి పోవు బెబ్బులిఁ బరికింపఁ                    జనువాని మ్రింగక మనుపఁగలదె బురదగోఁతను బడ్డ పోట్లావు లెగనెత్తఁ                    జనువాని బొడువక జరగఁగలదె

⁠

తే.⁠

అవనిలోపల ఖలుని నెయ్యంబు మీఱ మనుపఁ జనువానిఁ జెఱుపక మానఁగలఁడె? భూనుతవిలాస, పీఠికాపురనివాస, కుముదహితకోటిసంకాశ, కుక్కుటేశ!

⁠ 90