పుట:కుక్కుటేశ్వరశతకము.pdf/55

తే.⁠

మంచిదని సెప్పి సూకలు మానెఁ డన్ని కొల్లఁగొనిపోయె నని మూర్ఖకోటి పలుకు, భూనుతవిలాస, పీఠికాపురనివాస, కుముదహితకోటిసంకాశ, కుక్కుటేశ!

⁠ 86

సీ.⁠

నింబభూజమునకు నిర్మలోదక మిడి                    మనిచినఁ దన చేఁదు మానఁగలదె పాపకూనకు మంచిపాల్పోసి పెంచిన                    నెడరూను తన విషం బుడుగఁగలదె ఉల్లిగడ్డకుఁ దుషారోదకంబిడి ప్రోది                    యిడినను దన కంపు విడువఁగలదె కందదుంపకుఁ బానకము పోసి పెంచిన                    గొదలేని తన దూల వదలఁగలదె

⁠

తే.⁠

దుర్గుణున కెన్ని మంచి వస్తువులు పెట్టి మనుపఁ జూచిన తన యోజ మానఁగలఁడె, భూనుతవిలాస, పీఠికాపురనివాస, కుముదహితకోటిసంకాశ, కుక్కుటేశ!

⁠ 87

సీ.⁠

ఎనుబోతునకు విద్దె లెన్నింటి నేర్పిన                    మడుగున కేగుటల్ మానఁగలదె శునకంబునకు నెన్నిసూడిదల్ వెట్టినఁ                    బుల్లెలు నాకక మళ్ళఁగలదె గాడిద కెన్నిసింగారముల్ దిద్దిన                    బూడ్దెలోఁ బొరలక పోవఁగలదె యూరబందికి నెన్నితీరుల మేపినఁ                    బరగళ్ళ కేగక బ్రదుకఁగలదె

⁠

తే.⁠

హీనుఁడగువాని సత్ప్రభు లెన్నిగతుల నునిచి మనిచినఁ జెడుజాడ లుడుగఁగలఁడె,

⁠