పుట:కుక్కుటేశ్వరశతకము.pdf/41

⁠

భూనుతవిలాస, పీఠికాపురనివాస, కుముదహితకోటిసంకాశ, కుక్కుటేశ!

⁠ 55

సీ.⁠

భోగియై ప్రతిదినత్యాగియై పుణ్యసం                    యోగియై సుజనానురాగి యగుచు దాతయై బుధజనత్రాతయై నిఖిలవి                    జ్ఞాతయై కుశలసంధాత యగుచు ధీరుఁడై రణరంగవీరుఁడై నిర్మలా                    చారుఁడై నిరుపమోదారుఁ డగుచు శాంతుఁడై సదమలస్వాంతుఁడై కీర్తిది                    గంతుఁడై పటుబలవంతుఁ డగుచు

⁠

తే.⁠

రాజ్యమేలంగఁ గలవాఁడె రాజు గాక హీనమతియై చరించువాఁ డేటి రాజు? భూనుతవిలాస, పీఠికాపురనివాస, కుముదహితకోటిసంకాశ, కుక్కుటేశ!

⁠ 56

సీ.⁠

ఘూకంబు తెఱఁగున గొందుల నిరుకుచు                    భుజగంబు చాడ్పున బుస్సుమనుచు బెబ్బులి కరణిఁ గంపిల డాక సేయుచు                    భేకంబు గతి మేనిబెంపు గనుచు భల్లూకమట్లు చొప్పడ విఱ్ఱవీఁగుచు                    నాఁబోతు కైవడి నాముకొనుచు గోమాయువట్ల యెన్నోమాయ లూనుచుఁ                    గ్రోడంబువలెఁ గొరకొర నెగపుచు

⁠

తే.⁠

దనరు క్రూరనృపాలకాధముల నమ్మి సిరుల కాసించువాఁ డొక్క చెనఁటికాఁడె భూనుతవిలాస, పీఠికాపురనివాస, కుముదహితకోటిసంకాశ, కుక్కుటేశ!

⁠ 57