పుట:కాశీఖండము.pdf/329

316

శ్రీకాశీఖండము

⁠

ప్రాయంబుగా వత్సరాయుతాష్టకంబు రాజ్యంబు సేసిన నక్కాలంబు నందు.

⁠ 290

ఉ.⁠

దేవత లెల్లఁ దక్కుఁ గలదీవులకున్ దివి కేగునట్టిచోఁ బోవఁగ లేక కుంటికుదుఫుల్ జిఱువేల్పులు దేవదానవుల్ సేవకు లై మహీవిభునిచే నధికారనియోగవృత్తికై జీవిత మంది నిల్చిరి త్యజింపఁగ వచ్చునె జన్మదేశముల్.

⁠ 291

తే.⁠

తత్పరతమీఱఁ గొలిచి రాధరణివిభుని దైత్యదానవు లవధూతదానవారి పఠితపాఠ మాబాలగోపాల మైన సుద్ది పగవారిపగవారు చుట్ట లగుట.

⁠ 292

తే.⁠

విశ్వదేవగణంబుతో వేఱువేఱ వచ్చి పితృదేవతలు మహేశ్వరుఁ గొలిచిరి చులుకఁ గా ల్వట్టి యీడ్పినఁ జూరు వట్టి వేలుదురు గాక తమవారి విడుతు రెట్లు.

⁠ 293

సీ.⁠

సిద్ధు లారాజుఁ గొల్చి ప్రసిద్ధిఁ గాంచిరి         గ్రహముల కతఁ డనుగ్రహముఁ జూపె విద్యాగురుం డయ్యె విద్యాధరుల కతఁ         డతఁడు రుద్రులకు సౌహార్దుఁ డయ్యె రక్షించె నాతఁడు రక్షస్సమూహంబు         నతఁడు తార్క్ష్యులకు నాధ్యక్ష మిచ్చె మన్నించె నాతఁడు కిన్నరవ్రాతంబుఁ         దుషితుల నతఁడు సంతోషపఱిచె

⁠