| క. |
తెలియవిను రామకవ్యా
దులు సూరకవి ప్రముఖ పృథుప్రతిభావం
తులు భీమ శ్రీనాథుల్
వెలయగ నాకరణిఁ దిట్టలే రూఢమతిన్.
|
|
సూరన యిట్టి రచనలయందు గొప్ప నెఱజాణ. ఎట్టి కల్పనలు, నెట్టి భావములు, నెన్నిపేరులైనను గందములలో నౌచితి చెడకుండ నందముగాఁ గూర్పఁగల నేర్పరి.
| క. |
సరివత్తురె గుణసంపద
వెఱవక మాపొణ్గుపాటి వేంకటపతి కా
ర్గురు చక్రవర్తులు బదా
ర్గురు రాజులు ముప్పదిద్దరు నియోగివరుల్.
|
|
| క. |
ధీరాగ్రణి శివరామ
క్ష్మారమణుం డేలు చెముడు శంబరపురమా?
పోరామా? రొంపిల్లా?
పొరాదా? మంగరాజు పాలెము పట్టా?
|
|
| క. |
బలవంతుఁడు బలహీనుఁడు
బొలుతురు విధితప్ప; నల్లపూసలు ముత్యాల్
తొలగుఁగద మగఁడువోయిన
వెలఁదుకకున్ బొణ్గుపాటి వేంకటమంత్రీ!
|
|
| క. |
కోయక పెరుగదు బచ్చలి
మేయక పాలీయ దావు మేదిని నెపుడే
నీయక రాదు సుకీర్తియు
వేయేలా పొణ్గుపాటి వేంకటమంత్రీ!
|
|
