పుట:కవిజనరంజనము (అడిదము సూరన).pdf/13

5

ప్రథమాశ్వాసము

క.⁠

వలపుల పాణింధమములు మలయానిలముల విహారమందిరములు పూ విలుతుని యాయుధశాలలు చలువల జన్మస్థలము లచటి పూదోఁటల్.

⁠ 14

గీ.⁠

అతులదరచక్రమీనరేఖాంకము లయి యూర్మికాకంకణద్యుతి నొప్పుమీఱి చారుపద్మాకరమ్ముల చందమునను రాజిలుచునుండుఁ బద్మాకరములు వీట.

⁠ 15

చ.⁠

అనుపమహైమకుడ్యఘటితాంచదనంతమణిప్రభాళిచే ననయముఁ దత్పురీవరమహాగృహముల్ రెయిదోఁపకుండగా నొనరుచుటంజుమీ గృహము లొప్పె నిజాంతసమాహ్వయంబులన్ వినుతి యొనర్పఁగాఁదరమె వీటనుగల్గిన రత్నసంపదల్.

⁠ 16

మ.⁠

అమరద్వీపవతీపయోవిహరణప్రాంచత్సురస్త్రీల, వ జ్రమయాభ్రంకషమంటపాగ్రముల నిచ్చల్ క్రీడఁ గావించుత ద్రమణీవారము వేఱ నేఱుపఱుప న్రాదంచుఁగా దివ్యరా జముఖీపాళికిఁ దమ్మిచూలి యనిమేషత్వంబుఁ గావించుటల్.

⁠ 17

మ.⁠

అతులోత్సాహము లుప్పతిల్ల నికటోద్యానంబులం బొల్చుకే కితతు ల్వీటను జిత్రనర్తనకలాకేలి న్విజృంభించు భ వ్యతరాభ్రంకషరత్నసౌధపటలీవాతాయనవ్రాతనిర్గత కాలాగురుధూపధూమ్యలు మొయిల్గానెంచి యెల్లప్పుడున్.

⁠ 18