పుట:కవిజనరంజనము (అడిదము సూరన).pdf/12

కవిజనరంజనము

4

సీ.⁠

లోకమోహనకళ ల్చేకొనియుండంగ                   నతనుబాణము లంట యబ్బురంబె! మహనీయలీలల మానసం బలరింప                   నంచబోద లనంగ ననువు పడదె! గగనమధ్యమనోజ్ఞగతులు శోభిల్లుట                   జుక్కలంచు వచింప సూటిపడదె! వలపులు గొలుపు చెల్వములు రాజిల్లుటఁ                   బుష్పమంజరులని పోల్పఁదగదె! వీరి నన నూరువిలసనవిజితరంభ లంచితేక్షావధీరితహరిణ లగుచు నచ్చరల మీఱఁజాలు నొయ్యారములను వెలవెలందుక లుందు రవ్వీటియందు.

⁠ 11

ఉ.⁠

మాముఖనేత్రబాహుకుచమంజిమ లిట్టివి యంచుఁ బ్రేమతో గాముకకోటికిం దెలుపుకైవడిఁ దమ్ములు నల్లగల్వలుం గోమలపుష్పదామములు గుచ్ఛము లంగటఁ బెట్టి యమ్ముదు ర్వేమఱుఁ బుష్పలావికలు వీటను నర్మవచఃప్రవీణతన్.

⁠ 12

చ.⁠

పురనికటించితోపవనపుష్పితసాలములం గదల్చుచు, స్సరసులఁ దేలుచు, న్సుమరజఃపటలంబులఁ జల్లులాడుచు, న్సురుచిరకుంజపుంజములఁ జొచ్చి నటించుచు మందగాములై కరులవలెం జరించుఁ జలిగాడ్పులు షట్పదశృంఖల ల్దగన్.

⁠ 13

.