పుట:కవిజనరంజనము (అడిదము సూరన).pdf/14

కవిజనరంజనము

6

క.⁠

అనుపమతత్పురనారీ జనులకు నచ్చరల కంగసౌందర్యము నం గనుపడ దెక్కువ తక్కువ కనురెప్పలయందకాని గణుతింపంగన్.

⁠ 19

సీ.⁠

పద్మాకరములౌట, భవనరాజంబులు                   విష్ణుపదం బంటి వినుతి కెక్కె రత్నాకరంబౌట, రమణీయవప్రంబు                   గగనస్రవంతితోఁ గలసి మెలసె సుమనోభిరామత శోభిల్లుటను, దోఁట                   లతులాప్సరస్సమన్వితము లయ్యె రాజవతంసులై రంజిల్లుటను, నృపు                   లమలదుర్గాధిపత్యమున మనిరి భోగులకు నాశ్రయంబయి పొలుచుకతన సన్నుతికి నెక్కె నది బలిసద్మమనఁగ నిత్యకల్యాణలక్ష్మిచే నెగడుకతన నాపురం బొప్పు విబుధాలయం బనంగ.

⁠ 20

గీ.⁠

ధామములు తత్పురమున ముక్తామయములు నిత్యకల్యాణసంప దన్వితులు విశులు సతు లచటఁ గాంతమానసహితచరితలు మంజులాస్యలు పురిఁ గల్గు లంజె లౌర.

⁠ 21