పుట:ఉషాపరిణయము (పసపులేటి రంగాజమ్మ).pdf/166

126

ఉషాపరిణయము

వ.⁠

మఱియును.

⁠

చ.⁠

ప్రళయహుతాశనప్రకరభాసురుఁడై యెదిరించు వీరులన్ హలమున నీడ్చియీడ్చి ముసలాగ్రమునన్ బడఁ గ్రుమ్మి చిమ్ముచున్ బలుమరు నిట్లు రౌద్రనిజభావముఁ జూపుచునుండఁ గోట్లు కొం [1]డలుగఁ బడందొణంగి రచటన్ బ్రమథప్రబలారిసైనికుల్.

⁠ 49

క.⁠

ప్రద్యుమ్నుం డరితిమిర ప్రద్యోతనుఁ డగుచు నిశితబాణవితతిచే విద్యున్నిభదంష్ట్రుల సమ రోద్యుక్తులఁ ద్రుంచె దనుజయూథాధిపులన్.

⁠ 50

గీ.⁠

శంఖచక్రగదాఖ్యశార్ఙ్గధారి కంసవైరియు నిజకరకౌశలంబు మెఱయ రయమున శరములు నెరయఁజేసి రక్కసుల భూరిదర్పంబు నుక్కడంచె.

⁠ 51

క.⁠

పక్షికులాద్యక్షుఁడు సం ధుక్షితనిజపక్షతీక్ష్ణతుండాగ్రములన్ రక్షోనివహంబుల ముఖ వక్షంబుల నడఁచి వ్రచ్చి వందఱలాడెన్.

⁠ 52

క.⁠

ఈపగిది నలుగురు భుజా టోపంబులుఁ జూపు నప్పుడు సురారిభటుల్ చాపంబులు దిగవిడిచి కాపికలై చనిరి (మి)గులఁ గలఁగంబడుచున్.

⁠ 53

1. డలుగఁబడందొణంగి రచటన్ ప్రమథప్రముఖప్రబలారిసైనికుల్