క. |
చెలు లంద ఱిట్లు గొల్వఁగ
మలయు కరేణుపులనడిమి మత్తేభ మనన్
జెలువొందెడు గోపాలకు
నెలమిన్ వీక్షించి మ్రొక్కి హెగ్గడికత్తెల్.
| 115
|
క. |
చనవరులగు గరితలతో
ననిరుద్ధుని గాన మనుచు నక్కజమీరన్
వినయంబుతోడఁ దెల్పిన
వనజాక్షున కెఱుకసేయ వారలు నంతన్.
| 116
|
వ. |
మందస్మితసుందరవదనారవిందుండై గోవిందుండును.
|
|
క. |
ఏలా మీకీయోజన
వాలాయముగాఁగఁ బంచబాణునిసుతు నే
నేలీలనైనఁ దెచ్చెద
బాలికలకుఁ దెలుపుఁ డనుచుఁ బనిచెన్ వారిన్.
| 117
|
శ్రీకృష్ణుఁ డాస్థానమును జేరి సకలపరివారములను రప్పించి యనిరుద్ధుఁడు కానరాకుండుటను దెల్పుట
వ. |
ఇవ్విధంబున హెగ్గడికత్తియలకు నానలిచ్చి యగ్గజరాజవర
దుండు దగ్గఱను నున్న యన్నగారులన్ జూచి దారకునిఁ దేరుఁ
దెమ్మనుండని పనిచిన యనంతరంబ.
|
|
ఉ. |
సారథి తేరుఁ దెచ్చె నని సారసనేత్రులు విన్నవింప నా
నీరజనాభుఁ డొద్దితరుణీతతి హెచ్చరి కంచుఁ దెల్పఁగా
మేరువుకైవడి దిశల మిక్కిలి గాంతులు నించి మించు న
త్తేరపు డెక్కివచ్చె నతితీవ్రగతిన్ సభఁ జేర వేడుకన్.
| 118
|