పుట:ఉషాపరిణయము (పసపులేటి రంగాజమ్మ).pdf/146

106

ఉషాపరిణయము

సీ.⁠

అలరుక్మిణీదేవి యందంబు కనుపట్ట         నిలువుటద్దముఁ బట్టె నేర్పు మెఱయ భామినీమణి సత్యభామ సిగ నమర్చి         బురు(సారు)మాల్ గట్టెఁ బొంకముగను జాంబవతీసతి జాతికస్తురిచేత         దిలకంబు దిద్దెను దీరుగాగ మిత్రవిందాకాంత మేలైనచౌకట్లు         వీనులఁ గీలించె వింతగాఁగఁ

⁠

గీ.⁠

గంఠమున భద్ర నిలిపెను గంఠసరులు నురమున సుదంత కౌస్తుభ మొప్ప నుంచెఁ జనవునఁ గళిందకన్య చేసరు లమర్చె బిరుదుపెండెంబు లక్షణ పేర్మిఁ బెట్టె.

⁠ 113

వ.⁠

మఱియును.

⁠

సీ.⁠

పొలుపు మీరినయట్టి బురుసాహిజారును         దొయ్యలి యొక్కతె తొడగనిచ్చె బసిఁడివ్రాత చెఱుంగు మిసిమిగల్గిన దట్టిఁ         దరుణి యొక్కతమర్చె హరువుగాఁగ రంగుమారినయట్టి బంగారుదుప్పటిఁ         బడఁతి యొక్కతె కట్టె బాగు మెఱయఁ బంచరత్నంబుల భాసురంబగు వంకి         సుదతి యొక్కతె చెక్కె సొగసుమీరఁ

⁠

గీ.⁠

జేరి యడపంబుఁ గట్టెను జెలువ యొకతె కడఁగి కాళంజిఁ బూనెను గాంత యొకతె సురఁటిచేతను విసరెను సుదతి యొ తె వెలయ వింజామరముఁ బూనె వెలఁది యొకతె.

⁠ 114