పుట:ఉషాపరిణయము (పసపులేటి రంగాజమ్మ).pdf/145

తృతీయాశ్వాసము

105

క.⁠

హరితోడుత నీకార్యము సరగున నిందఱును దెల్పి సంతసమమరన్ వరునిన్ దోడ్కొని రమ్మని గరితలకును మ్రొక్కి వారు కదలిరి వేగన్.

⁠ 110

వ.⁠

అంత.

⁠

క.⁠

కమలంబులు వికసించెను గమలాప్తుం డుదయమయ్యె గౌరవ మొప్పన్ గమలాక్ష! మేలుకొను మని కమలముఖులు మేలుకొలుపఁ గడువేడుకతోన్.

⁠ 111

సీ.⁠

హరియప్డు మేల్కాంచి యద్దంబుఁ బువ్వులు         కపిలధేనువు క్షీరకలశములను విప్రయుగ్మంబును వేడుక వీక్షించి         నిత్యకృత్యముఁ దీర్చి నేమమమరఁ బసిఁడికంబంబుల భాసిల్లుచున్నట్టి         కొలువుకూటంబునఁ గొమరుమీరఁ జెలఁగెడు నవరత్నసింహాసనంబునఁ         గొలువున్నసమయంబుఁ జెలులు దెలిసి

⁠

గీ.⁠

విన్నవింపఁగఁ బదియాఱువేలు సతులు నల్ల రుక్మిణి మొదలైన యష్టమహిషు లెలమిమీరఁగ శ్రీకృష్ణుఁ గొలువ నపుడు వచ్చి రచటికిఁ దమతమ వైభవముల.

⁠ 111

వ.⁠

అంత.

⁠