పుట:ఉషాపరిణయము (పసపులేటి రంగాజమ్మ).pdf/119

తృతీయాశ్వాసము

79

⁠

మోము మోమునఁ జేర్చి ముద్దుపెట్టఁగ రాగ         మురిపెంపు సిగ్గుతో మోముఁ ద్రిప్పుఁ బ్రేమంబుమీరఁగ బిగువుగౌఁగిటఁ జేర్ప         లజ్జచేఁ బతికేలు లలినిఁ ద్రోయుఁ

⁠

గీ.⁠

బోఁకముడి వదలింపఁగఁ బొంకముగను ముడి సడల్పంగనీయక ముదిత పెనఁగుఁ గాముకేళికిఁ దమితోడఁ గలయరాఁగ గోల నలుదిక్కులను జూచుఁ గొంకుమిగుల.

⁠ 34

వ.⁠

అయ్యవసరంబున.

⁠

సీ.⁠

ముచ్చటదీరఁగ ముద్దుబెట్టవె చేరి         మోమేల త్రిప్పెద ముద్దుగుమ్మ! వీనుల నమృతంబు వెదచల్లునట్లుగా         మాటలాడ వదేమి మచ్చకంటి! మరుకాఁక దీరంగ మమతలు హెచ్చంగఁ         [1]గౌఁగిలింపవె నన్ను కలువకంటి! యక్కునఁ గదియించి యాదరింపుచుఁ బ్రేమఁ         బుక్కిటివిడె మీవె పువ్వుఁబోణి!

⁠

గీ.⁠

భామ! మ్రొక్కెద నే నీదు పదములకును మనవు లాలించి యేలవే మందగమన! చాలదయఁ జూడవే నన్ను సన్నుతాంగి! రతుల నన్నేలవే లీల రాజవదన!

⁠ 35

1. కౌఁగిలింపఁగ