పుట:ఉషాపరిణయము (పసపులేటి రంగాజమ్మ).pdf/120

80

ఉషాపరిణయము

క.⁠

అని లాలింపుచు నయ్యుష ననిరుద్ధుఁడు చేరఁగీసి యందముగాఁగన్ దనతొడలమీఁద నుంచుక వనితామణిమేను నిమిరి వలపమరంగన్.

⁠ 36

సీ.⁠

కుంకుమ బూసెదఁ బొంకంబుగా నని         కులుకుసిబ్బవుగబ్బిగుబ్బ లంటి తీరుగాఁ గస్తూరి దిద్దెద ననుచును         దేటైన చెక్కిలి గోట జీరి పుక్కిటివీడెంబుఁ బొసఁగ నిచ్చెద నని         ముచ్చటదీరఁగ మోవియాని నీటుగాఁ గుచ్చలనెఱిక దిద్దెద నని         మురువుమీరిన పోఁకముడి వదల్చి

⁠

గీ.⁠

మేను నిమిరెడుకైవడి మించువేడ్కఁ గదిసి కళలంటి సొక్కించి గారవించి కాఁక దీరఁగఁ గౌఁగిటఁ గదియ జేర్చి సిగ్గుఁదొలగించె నప్పు డాచెలువ కతఁడు.

⁠ 37

క.⁠

గిలిగింత లిడుచు మిగులన్ గలరవములు మించునట్టి గళరవములఁ దా వలపులు గులుకఁగఁ బలుకుచు జలజాక్షిని రతులఁ గూడి సంతసమమరన్.

⁠ 38

సీ.⁠

బాలిక బడలిన భావంబుఁ గనుఁగొని         ముదముతో విభుఁ డిచ్చె మోవితేనె శీతాంశుముఖిమేనఁ జిరుజెమటలుఁ జూచి         చెలువుండు దుప్పటిచేత నొత్తె

⁠