| |
వఱడు లఱచె, నుల్కలు వడె,
నెఱి చెడి సురగాలి విసరె నిలువక పెలుచన్.
| 24
|
| గీ. |
అట్టియెడ సైన్య మెల్లఁ గట్టాయితంబు
చేసి [1]యేనును గాండీవశింజినీని
నాదమేదురభూనభోంతరుఁడ నగుచు
[2]నమ్మహీదేవుని గృహాంగణమ్మునందు.
| 25
|
| ఉ. |
ఉండునెడన్ భయంబున మహోద్దతిఁ గొందఱు వచ్చిపట్టుప
ట్టుం డిట తెండు పొండని కడున్ రభసంబున నాడుమాటలుం
బండియుఁ బొల్లవోయెనని బ్రాహ్మణి లోపల నేడ్పు నేడ్చు నొం
డొండ కడంగి తచ్ఛిశువు నుద్భవమున్ మరణంబు దెల్పినన్.
| 26
|
| స్రగ్ధర. |
గాండీవారావఝంపాఘటితభయదివౌకఃపురాంతఃపురంధ్రీ
గండాభోగశ్రమాంభఃకణకలుషితగంగాతరంగాభిషంగా
ఖండాస్మత్కాండపాళీకబళితసకలాకాశసీమానిశాంతో
ద్దండాతిక్రాంతగర్భాంతకయమభటసంతానముం గాననైతిన్.
| 27
|
| గీ. |
పోయె బాలుండు యదువృష్ణిభోజబలముఁ
జిన్నవోయెను జూడ వచ్చినజనంబు
డించి పోయె మదీయగాండివము లజ్జ
వోయెఁ గొనిపోయె [3]భూసురపుత్రు జముఁడు.
| 28
|
| వ. |
ఇవ్విధంబున గాండివమ్ములావు వమ్మయినం గ్రమ్మునుమ్మలికంబున విన్న
నైన నన్నుం జూచి యవ్విప్రుండు.
| 29
|
నిజకుమారుని యముఁ డపహరింపఁగా బ్రాహ్మణుఁ డర్జునుని దూఱుట
| క. |
ఓపార్థ! నిను నమ్మితి
బాపని రక్షింప కిట్ల పార్థుఁడ వైతే
నాపాలిపారిజాతము
గోపాలకచక్రవర్తిఁ గొని రానైతిన్.
| 30
|
- ↑ యేను గాండివము శింజినినినాద, భరితబధరితభూ
- ↑ కణఁగి ధరణిసురునిగృహాంగణమునందు
- ↑ ఁగడసారెలోయె, శవము
