శ్రీరస్తు
ఉత్తరహరివంశము
ద్వితీయాశ్వాసము
| |
శ్రీపార్వతీకుచాగ్రా
రోపితముక్తేందుకాంతరోచిర్ని చితా
కూపారశైలహరణ
[1]ప్రాపితమణిరుచిసనాథ హరిహరనాథా.
| 1
|
| వ. |
దేవా వైశంపాయనుండు జనమేజయున కిట్లనియె.
| 2
|
| మ. |
శరతల్పంబున నున్న శాంతనవునా[2]జ్ఞం దత్పరుండై యుధి
స్ఠిరుతో నర్జునుఁ డిట్లనున్ హరిఁ బ్రశంసింపంగ [3]రారే మునీ
శ్వరులు ద్వారక కేను బోయితిఁ గదా సంబంధులం జూడనాఁ
డరు దాదేవునియందుఁ గంటి నొకకృత్యం బెవ్వరుం జేయరున్.
| 3
|
| క. |
ఆపట్టణమున నుచిత
వ్యాపారతఁ గుకుర వృష్ణి యదు భోజ సమా
జాసాదితపూజుఁడ నై
యీపురుషోత్తమునిఁ గొలిచి యే నున్నయెడన్.
| 4
|
శ్రీకృష్ణునియొద్ద కొకబ్రాహ్మణుఁడు వచ్చి తన కుమారుల రక్షింప వేడుట
| క. |
ఒకనాఁ డొకశాస్త్రములో
నొకక్రతు వొకనాఁటిదీక్ష కొనరినఁగని ధా
ర్మికుఁ డాహరి యది గైకొని
యొకచో నుండంగ విప్రుఁ డొకఁ డేతెంచెన్.
| 5
|
- ↑ వ్యాపారణరుచి
- ↑ జ్ఞాత
- ↑ లే
