పుట:ఉత్తరహరివంశము.pdf/83

28

ఉత్తరహరివంశము

⁠

జెమటలఁ బత్త్రభంగములు చిందఱవందఱ లైనఁ దోన సం భ్రమమున వీరలక్ష్మి సమరక్రమరక్షకు వ్రాసెనో యనన్.

⁠ 159

శా.⁠

సత్త్రాజిత్తనయాకరాంతరధనుర్జ్యారావ మైరావతీ సూత్రానర్గళనిర్గతస్తనితమై సుత్రామచాపప్రభా పాత్రభ్రూలతికావిలాసముల కొప్పం గప్పు శార్ఙ్గాంబుము క్పత్రిక్రూరమహాశనుల్ దనుజరాడ్గాత్రంబు గోత్రంబుగన్.

⁠ 160

సీ.⁠

తంత్రీవినోదంబు తడవు సైపనివ్రేళ్ళ                  గొనయంబు తెగలపైఁ గోరుకొనుట యద్దంబుపిడి ముట్ట నలయు పాణితలంబు                  లస్తకం బిఱియించు లావుకలిమి చెలికత్తె నౌత్తిలి చీర లేనియెలుంగు                  సింహనాదంబుచేఁ జెదర కునికి ప్రమదనర్తనకేలిఁ బరిఢవింపని పదం                  బై దుఠాణంబుల నలఁతఁ బడమి

⁠

తే.⁠

సోయగపుఁజిత్రరూపంబుఁ జూచుచోట వేసరువిలోచనంబులు వికృతదైత్య లక్ష్య మీక్షించుటయు మొక్కలం[1]పుగెలుపు గైకొనియె సత్యభామ సంగ్రామసీమ.

⁠ 161

మ.⁠

అరిఁ జూచున్ హరిఁ జూచుఁ జూచుకములం దందంద మందారకే సరమాలామకరంద[2]బిందుసలిలస్యందంబు లందంబు లై తొరుగం బయ్యెదకొం గొకింత దొలఁగం దోడ్తో శరాసారమున్ దరహాసామృతపూరముం కురియుచుం దన్వంగి కేళీగతిన్.

⁠ 162

ఉ.⁠

ఊచనకట్ట వంపని పయోరుహలోచన మింట మంటలం బూఁచిన బాణజాలమునఁ బూర్వసుపర్వపురాణగర్వమున్ వేఁచినచందమున్ విపులవీరరసంబున నాత్మచిత్తముం దోఁచిన చందముం దెలియఁ దోఁచిన నచ్చర లిచ్చ మెచ్చరే.

⁠ 163

1. పుఁదెంపు (బుఁ దెలుప)
2. ఘర్మ