పుట:ఉత్తరహరివంశము.pdf/73

18

ఉత్తరహరివంశము

వ.⁠

తదనంతరంబ.

⁠ 101

సీ.⁠

జడలు [1]కంపలు వట్టి జరగనీ కున్నచో                  విడిపింప శిష్యుల వెదకువారు జన్నిదంబులు కాలిసంకెలలై పడ్డఁ                  దెగఁ దన్ని మిన్నక తిరుగువారు ముందటిదిక్కూడి మొలత్రాడుఁ దవిలిన                  తోఁక[2]గోచులవెంటఁ దూలువారు దగ యెత్తి పోలేక దండంబు లటు వైచి                  “హా విధీ" యని చేతు లార్చువారుఁ

⁠

తే.⁠

గడవసంబుల మోఁదిన గలగువారు వల్కలంబులు దోఁచిన వంగువారుఁ జెఱలువోయినవారలఁ జీరువారు నై మునీంద్రులు గలఁగి రయ్యాశ్రమమున.

⁠ 102

చ.⁠

నరకునిచేత నిత్తెఱఁగునం బరిభూతికి భాజనంబు లై హరి కెఱిఁగింత మీబదరికాశ్రమ దుర్భరబాధ లంచు న ప్పరమమునీంద్రు లందఱు గృపాపరతంత్రుని యాదవాన్వయాం బురుహదివాకరుం గొలువఁ బోయిరి వేడుకతోడుపాటుగాన్.

⁠ 103

గీ.⁠

అరుగు నెడ భరద్వాజ కాశ్యప వసిష్ఠ వామదేవ జాబాలి కణ్వ బృహదశ్వ ధూమ్రముఖ్యులు దనుజారి తొల్లి చవులు గన్నబదరీఫలంబులు కానుకలుగ.

⁠ 104

క.⁠

తెం డనుచు దుష్టదానవ ఖండితయాగోపకరణఘనభారంబుల్ దెం డనుచు [3]వేగమే చను దెం డనుచున్ శిష్యులకును దెలియఁ బలుకుచున్.

⁠ 105

1. క్రవ్వలు
2. గోఁచు
3. గూడరాఁ జ