పుట:ఉత్తరహరివంశము.pdf/72

ప్రథమాశ్వాసము

17

⁠

పునఁ బడునయ్య పేర్మి? యలపుం దగవుం దలపోయ కేల కూ డనిపని సేయఁ [1]జొత్తు? వకటా వికటాచరణంబు పాడియే?

⁠ 93

క.⁠

మనుజాశను లట, బలు లట మును లట, యాగంబు లట, నమో విశ్వసృజే [2]విన మింతకు ము న్నెన్నఁడుఁ! గని కని కొఱ్ఱెవ్వఁ డింటికంబము సేసెన్?

⁠ 94

వ.⁠

అనుటయు నద్దనుజుండు.

⁠ 95

క.⁠

ఏలిక నౌదు మఖాంశ శ్రీలకు; నొరు దడవ నేల! శిర సుండగ మోఁ కాలను సేసలు వెట్టుట బేలుఁదనము గాక మీకుఁ బెద్దఱికంబే.

⁠ 96

క.⁠

త్రిదివసుఖమ్ము మఖమ్మున గదియించుఫలంబుఁ దనకుఁ గాననిదయ్యం బెదిరికి వర మిచ్చు ననుట చదురే యతఁ డేఁగె మును దిశాపట్టముగాన్.

⁠ 97

వ.⁠

అనుటయు నమ్మునీంద్రులు విడియనాడం దలంచి యతని తోడ.

⁠ 98

శా.⁠

పాపాత్ముండవు దానవుండవు నినుం బాటించి యాగార్హుఁగాఁ జేపట్టం దగునే మునీంద్రులకు? మాచేఁ జెల్ల దీకల్ల దు ర్వ్యాపారంబులు ధర్మకర్మములలో వర్తించునే? నావుడుం గోపాటోపగజంబు మానససరఃకోలాహలోత్సాహిగాన్.

⁠ 99

చ.⁠

తనపరివారముం బిలిచి దానవుఁ డాశ్రమసంభృతార్థముల్ గొనుఁడు పరంపరాకమునకున్ మును యజ్ఞపశువ్రజంబులం దినుఁడు కుమారికావితతిఁ దెండు బలాత్కృతి నంచు నమ్మహా మునులకు నెగ్గు చేసి మదమోహమునం దనవీటి కేఁగినన్.

⁠ 100

1. జూతు
2. విన మెన్నఁడు మున్నిట్టివి కన మెన్నఁడు గోరవిట్టి కర్జము సేయన్.