పుట:ఉత్తరహరివంశము.pdf/70

ప్రథమాశ్వాసము

15

వ.⁠

అని యొడంబడి యా వెలంది వీడ్కొలిపి యమరావతీపురంబునం దడవి తడవి చక్కని కన్యకాజనంబుం బట్టించి తెప్పించి యందంద నందన పాదపంబులు వెతికించి తెప్పించి యెనిమిదివేల యెనుంగులం గైకొని మాహిష్మతీపురంబునకు వచ్చి మఱియును.

⁠ 81

గీ.⁠

త్వష్టకు నుదాహరకుఁ జతుర్దశి యనంగ నొక్కకూఁతురు గలిగినయిక్కు వెఱిఁగి [1]గంధగజరూపమునను నక్కన్యఁ దెచ్చి కవసి నరకాసురుండు సౌఖ్యములఁ దేలి.

⁠ 82

క.⁠

నాకంబునయందును భూ లోకంబునయందు ధనములు మణులు దైత్యా నీకంబు దేర మంచివి గైకొని యాచంద్రముఖికిఁ గానుక యిచ్చెన్.

⁠ 83

వ.⁠

వెండియు గంధర్వదేవమానుషకన్యకలం బదాఱువేలున్నూఱుగుర నప్సరో గణంబు (లేడింటి) జెఱలుపట్టి తెచ్చి మణిపర్వతంబునం బురంబుచేసి కావలివెట్టి కొని యుండెనట్టియెడ.

⁠ 85

మ.⁠

మురదైత్యుండు దపోవసానమున వైముఖ్యం బముఖ్యంబుగా [2]వరదత్తాపరనామధేయమున దేవవ్రాతముం గిట్టి ము ష్కరుఁడై కుండలముల్ హరించె నదితిం గారించి దైతేయు లె వ్వరుఁ బూర్వంబున నింత చేయ రనుచున్ వారింత వారింపఁగన్.

⁠ 86

క.⁠

ఆకుండలములు నరకుని జేకొమ్మని యిచ్చి యతనిచేఁ దాఁ బడసెన్ నాకొడుకులకుఁ బదుండ్రకు నీకావలి యొసఁగు మనుచు నిచ్చలుఁ గొలువన్.

⁠ 86

మ.⁠

అతఁడున్ వారికి నాత్మరక్షయును గన్యారక్షయుం జేయనై హితులం దోడుగఁబెట్టి యిచ్చే మహిలో నింపారఁ బ్రాగ్జ్యోతిషా

⁠

1. కదిసి గంధర్వుఁ డనుచు నక్కన్వఁ దెచ్చి (కదిసి కందర్పురూపునం గన్యఁ దెచ్చి)
2. వరదంతావళ