పుట:ఉత్తరహరివంశము.pdf/62

ప్రథమాశ్వాసము

7

తే.⁠

జోడు గానికైదువులఁ బోరాడి రచట ముందఱ సురాసురుల బలంబులు గడంక వాసవుఁడు [1]బలుఁడును బోరువడువు దోఁప నట్లు గదిసి జయోల్లాస మతిశయిల్ల.

⁠ 34

మ.⁠

గద దట్టించి నిశుంభు మస్తకము నక్కాలుండు వ్రేయన్ మెయిన్ సదరం బైననొకింత కన్దిరిగియున్ శాతాసిచే వాఁడు జో డు దెగన్ వేసిన మేను [2]వ్రస్సి యముఁ డాటోపంబుఁ జైతన్యముం బ్రిదులన్ యామ్యబలంబు లావలనికిన్ భీతిం దొలంగించినన్.

⁠ 35

క.⁠

ఇట్టిక సూఁడినవాఁ[3]డో యొట్టిడుకొన్నాఁ[4]డొ యనుచు నుల్లసమాడం బట్టగుచు మగిడి చూడక పట్టణమున కేఁగె లజ్జబండతనమునన్.

⁠ 36

వ.⁠

మఱియు నొక్కదిక్కున.

⁠ 37

గీ.⁠

శ్రీదుఁ డుద్ధతి మాణిభద్రాదులైన యక్షులును గుహ్యకులును విద్యాధరులును మొనసి తోతేరఁ దాఁకె నమ్మురునితోడఁ జేరి నడవ డెబ్బదివేలు [5]పౌరవులును.

⁠ 38

వ.⁠

ఇట్లు (నడచి) శరపరంపర లాదనుజేంద్రుపయిం గురిసిన.

⁠ 39

చ.⁠

మురదనుజుండు [6]పౌరవసమూహమునుం గని రాజరాజుపై శరనికరంబు వుచ్చి తనచక్కిన యెక్కిన యక్షగుహ్యకుల్ విరియఁగ ఖడ్గపాశముల వ్రేసిన వచ్చినత్రోవ వట్టి [7]కా తరమున మాణిభద్రసహితంబుగ వచ్చినవారు పౌరులున్.

⁠ 40

గీ.⁠

కైదువులు విడిచి యెడళ్లు గగురుపొడు[8]వ నంత నంత గకాపిక లైనవారిఁ గని మురుండు కుబేరుని గదిసి యేసెఁ బ్రతిభ [9]యాళీవిషోపమబాణతతుల.

⁠ 41

1. బలిపోరిన
2. డస్సి
3. డా
4. డ వ
5. శా
6. శా
7. రా
8. ప
9. నా