పుట:ఉత్తరహరివంశము.pdf/250

ఈ పుట అచ్చుదిద్దబడ్డది

పంచమాశ్వాసము

195

⁠

దనియకమున్న కన్నుఁగవ తామరజోడుతెఱంగు దాల్చె ముం
చినపరితాప మంతయును జీకటితోఁ బురుడించు నత్తఱిన్.

⁠ 190

గీ.⁠

చిత్తమున బాణకన్యక చిత్రరేఖ
చేత లన్నియు నత్యంతచిత్ర మనుచు
సంతసము నొంది యనిరుద్ధు నంతిపురము
నందుఁ బెట్టించె నేకాంతమందిరమున.

⁠ 191

వ.⁠

అక్కుమారుండు.

⁠ 192

క.⁠

ఏమగువ పట్టికొనెనో
యేమిటికిం దెచ్చెనో యి దెక్కడిపాటో
యేమీ యెఱుఁగఁడు మది మఱి
తామసి యనువిద్య తొలుతఁ దనుఁ బొందుటయున్.

⁠ 193

వ.⁠

ఇట్లు మాయామోహితుం డయిన ప్రద్యుమ్నతనయుండు పాన్పుపైఁ బవ్వ
ళించియున్నతఱి నత్తెఱవ చిత్రరేఖ కిట్లనియె.

⁠ 194

క.⁠

ఇరునెవి యెఱుఁగక యుండం
దరుణీసుఖ మనుభవింపఁ దలఁచిన బదివే
వురకన్ను లెదుటఁ బడితిని
సరివా రెల్లిదము చేయ జాణెత నయితిన్.

⁠ 195

క.⁠

జలతైలబిందు వయి నా
మెలకువ వెల్లివిరి యైన మేలగునే ని
ర్మలచరితుఁ డయినబాణుం
డలుగఁడె ప్రాణముల కింతయపరాధమునన్.

⁠ 198

వ.⁠

అనినం జిత్రరేఖ యి ట్లనియె.

⁠ 197

క.⁠

ఏమనగ లాఁతివారమె
నీమన సెట్లట్ల కాక నీరజవదనా!
యేమటికిఁ ^[1]దలఁకె దల్లిం
దామరయును బోలె నుండి తగవు విడుతురే.

⁠ 198