పుట:ఉత్తరహరివంశము.pdf/218

చతుర్థాశ్వాసము

163

సీ.⁠

పసిగ్రేపుఁ బెనుచునే? పాఁడి మొల్లం బెట్లు                  మెకము దాఁటదు గదా? మేపు గలదె? తొడకాలితఱుపుల విడుతురా తొడితొడి?                  జన్నెలఁ దరిపట్టు జూడ గలదె? వెలికల్ల వైతురా వేల్పుల కుడుపుచోఁ                  గదుపులో నే[1]పోతు గడవఁ బాఱు? [2]సలగ[3]పన్నులు గొన్ని జట్టిచూపరు గదా?                  బెదరిన నిలుగూఁతఁ బెట్టఁ గలదె?

⁠

తే.⁠

వల్లె వై చువా రెవ్వరు మల్లరాల లంపు గలతొఱ్ఱులను గూయ లావు గలదె? యేర్పుదాఁటులలో దొఱఁ గెఱుఁగ బడునె [4]పరికరము కోడె లమ్మెడుపాటి గలదె?

⁠ 308

వ.⁠

అనుటయు నతండు.

⁠ 309

క.⁠

నినుఁ గన్నులార నెప్పుడుఁ గనుగొనఁగా లేనివగపు గల దొక్కటియున్ వనజోదర! నీయాదర మునఁ దక్కినపనుల మాకు మోదము గొఱుఁతే.

⁠ 310

వ.⁠

అనుటయు నచ్యుతుండు యశోదం జూచి యిట్లనియె.

⁠ 311

శా.⁠

తల్లీ నిన్నుఁ గనుంగొనం బడయుటన్ ధన్యుండనైతిన్ జగం బెల్ల న్నిన్ను నుతించి మ్రొక్కిన ధనాధీశోన్నతిన్ నిత్యమై చెల్లు న్నాకుం బ్రియంబు చేయునదియై చెన్నొందు నావారు ని న్నుల్లంబారఁ దలంచువారు పరమాయుఃప్రాప్తారోగ్యులున్.

⁠ 312

వ.⁠

అనుచు నయ్యరువురకు యథోచితోపచారంబు లాచరించి నిజనివాసంబులకు వీడ్కొల్పి యనంతరంబ మురాంతకుండు పుష్కరసరోవరంబునకు వచ్చి యందలి మునీంద్రులం గాంచి వారిచేత నర్ఘ్యపాద్యంబులు మొదలగు నుపచారంబులం బరితో షంబు నొందినపిదప వా రిట్లనిరి.

⁠ 313

1. తొఱ్ఱు
2. సలిగ, సలిగె.
3. పన్నులఁ
4. పదుదరము