|
రావంబుచేత సకల
స్థావరములుఁ గదలఁ బాంచజన్యం బొత్తెన్.
| 215
|
సీ. |
వడఁకుపన్నగరాజుపడగలమీఁద స
ర్వంసహాకాంత పేరణము సూప
నుఱ్ఱూత లూఁగెడు నుదయాస్తగిరులతో
నాకాశలక్ష్మి కోలాట మాడఁ
దెర లెత్తి సప్తసాగరములుఁ బొరలంగ
వరుణుండు గొండిలి పరిఢవింప
మొకములచాయ వేఱొకచండముగ నిల్చి
కమలసంభవుఁడు [1]ప్రేంఖణ మొనర్చ
|
|
తే. |
మంగళములోని ప్రేలాలమాడ్కిఁ జుక్క
లిక్కడక్కడ పడ దిక్కు లెనిమిదియును
బగులఁ బాతాళతలము [2]గుబ్బటిలఁ జెలఁగె
శౌరి పూరింప నప్పాంచజన్యరవము.
| 216
|
మ. |
రథవేదండతురంగసైనికగణారావం బుదాత్తశ్రుతి
వ్యథనిస్సాణధణంధణంధణధణధ్వానంబుతో దిగ్వియ
త్పృథివీమండలమెల్ల నిండుటయుఁ దద్ధీరధ్వనిం బైకొనెం
బ్రథనారంభవిజృంభమాణహరిశార్ఙ్ఘక్వాణ[3]నిక్వాణముల్.
| 217
|
వ. |
ఇట్లు చతురంగసైన్యసమేతంబుగా సవరణతో సన్నాహంబు మెఱసి హృషీ
కేశుండు పుష్కరసరస్తీరంబున విడిచి తదీయజలంబుల నుపస్పర్శంబు చేసి మొన
లేర్పఱిచి యున్న యవసరంబున.
| 218
|
హంసడిభకులు యుద్ధసన్నద్ధు లయి వచ్చుట
మ. |
భసితాలిప్తవపుస్త్రిపుండ్రనిటలప్రత్యగ్రరుద్రాక్షదా
మసముజ్జృంభితవేషు లై వరధనుర్మాహేశ్వరాద్యస్త్రశ
స్రసమృద్ధిన్ రథముల్ వెలుంగ మును భూతద్వంద్వ మేతేర రా
జసహస్రంబులతోడ హంసడిభకుల్ సంగ్రామసన్నద్ధులై.
| 219
|
- ↑ పెక్కణ
- ↑ గుబ్బతులు వోవ
- ↑ నిర్మాణముల్