నింద్రాయుధంబులతోడం దోడు చూపుచు గంగాతరంగంబుల తెఱఁగు దాల్చు
వారువంబులును విశంకటకంకటవివిధవర్ణంబు లుదీర్ణంబులుగా వీరరససముచిత
సంభాషణంబులు చెలంగఁ గలంగక తొలంగక తెరలక మరలక నడుతు మను
పంతంబులు మున్నుగ సేసలుఁ గాసెలుం జిందెలు నందెలుఁ బూఁతలుఁ జేతలుం
జెలువుగ సురియ ముప్పడిపిడియమ్ము కఠారమ్ము దరువలి కొంగవా లడిదమ్ము
గండ్రగొడ్డలి కత్తి గొంతంబు సబళం బీటె యినుపకోల సెలకట్టె పట్టెంబుసిరా
ణంబు చక్రంబు మొదలగు కైదువులు మెఱుంగులు తుఱంగలించిన రవిమండలంబు
తెఱంగున వజ్రవైడూర్యమణిమరీచిమధ్యంబునం బొలుచు సింగంబులసంగడివా
లగు వీరభటులునుం గలిగి బహువిధచాతుర్యంబులు శౌర్యంబులకుఁ జేవ యొసంగ
బిరుదులతోడి యాతపత్రంబులు చిత్రపాత్రంబులుగా నడియాలపుంబడగలు మొగుళ్ళ
తోడం దడంబడ వెల్లివిరిసిన జలరాశిపొలుపునం దద్బలంబు నడిచె నప్పుడు.