ఇవ్విధంబున నుభయబలంబులుం గదిసిన సందడికయ్యం బయ్యె నయ్యెడ
కరులు గరులను దేరులు దేరులను దురంగంబులు తురంగంబులను బదాతులు
పదాతులనుం దలపడి కత్తివాతియమ్ములం గత్తరించినం దుత్తుమురులగు కత్తళంబు
లును, ఘనగదాఘాతంబులం జిద్రుపలైన సీసకంబులును, ముసలప్రహారంబులం
బఱియ లైన భటకర్పరంబులును, నిశితహేతివిదారణంబుల ఖండఖండంబు లైన
శుండాల శుండాదండంబులును, మొక్కలంబులం బరశుధారలం జెక్కిన నిక్క
డక్కడం బడిన పక్కెరలును, బ్రచండభిండివాలసంక్రీడనంబులం గలయం
గ్రుమ్ముడువడ్డ రథాంగంబులును, దుర్దాంతకుంతసంతాడనంబుల నింతింతలు తునియ
లైన కరిదంతంబులును, నరవాయి గొనక సురియలం జెరివినం దొరుగు రక్తంబులును
నెట్టుకొని సెలకట్టియలవైచిన నిట్టట్టు గదలక తెట్టెలు గొనం గూలిన కాలుబలంబు
లును గాలుబలంబులపైఁ బైకొనక యెక్కి పటవ[1]ణింపలేక తిరుగవచ్చినం జొచ్చి
చక్కడఁచుటయుఁ జాఁపకట్టువడి ఘోటకంబులకింద మిలమిల మెలంగెడు రావు
తులును రావుతుల మోహరంబునకు నోహటించిన బోనీక కరిఘటలం బురికొల్పిన
[2]రాగవాగల నైరావంబునం దురగధట్టంబు నిల్పి తెల్పికొని మగుడం బడి యడిదంబులు
