పుట:ఆముక్తమాల్యద.pdf/98

⁠

'ననుపవత్తేర్న' యను సూత్ర మాదియైన వాణి నృపతీశు బ్రత్యక్షవాది గెలిచె.

⁠ 8

శా.⁠

విద్వద్వందితుఁ డాత డిట్లు సుఖసంవిత్తత్త్వబోధైకచుం చుద్వైపాయనసూత్రసచ్ఛ్రుతుల నీశున్ మున్ నిరూపించి, పైఁ దద్విష్ణుత్వము దాని కన్య దివిషద్వ్యావర్తనంబున్ విశి ష్టాద్వైతంబును దేటగాఁ దెలుప మాటాడెన్ బ్రమాణంబులన్.

⁠ 9

సీ.⁠

ఆదినారాయణుం డాయె నొక్కఁడ, బ్రహ్మ                    లేఁడు, మహేశుండు లేఁడు, లేదు రోదసి, లేఁడు సూర్యుఁఢు, లేఁడు చంద్రుండు,                    లేవు నక్షత్రముల్, లేవు నీళ్లు, లే దగ్ని; యట్లుండ 'లీల నేకాకిత                    చనదు; పెక్కయ్యెద ననుచు నయ్యెఁ జిదచిద్ద్వయంబు సొచ్చి' యని ఛాందోగ్యంబు                    దెలిపెడు; నంతరాదిత్యవిద్య

⁠

తే.⁠

నర్కులోఁ బుండరీకాక్షుఁ డతఁడ యగుట కక్షిణీయని యష్టదృక్ త్ర్యక్ష దశ శ తాక్ష విధి రుద్ర శక్రాదులందు నొకఁడు కామి కాశ్రుతియే విలక్షణతఁ దెలిపె.

⁠ 10

మ.⁠

తుల లేకుండు స్వరూపరూపగుణభూతు ల్దోఁచు నేతచ్చ్రుతిన్; దల మై లో వెలిఁ దానె యున్కిఁ దేలిపె న్నారాయణం; బారుణం బుల సామాన్యవిశేషరీతి నిఖిలంబు న్శబ్దజాలంబు ని ర్మలనారాయణశబ్దమందునె తుద న్పర్యాప్త మయ్యె న్శ్రుతిన్.

⁠ 11

క.⁠

వా 'దవహతపాప్మా ది వ్యో దేవ' యనంగఁ బరఁగు నూక్తులమీఁదం నా దగు నారాయణపద మే దేవాంతరము లేమి కీ శ్రుతిఁ దీర్చెన్.

⁠ 12

వ.⁠

"తొల్లి జామదగ్న్యభయంబునం బరిత్యక్తరాజ్యుం డై వైరాగ్యంబున దివో దాసాత్మజుం డగు వ్రతర్దనుండు జనార్దను నెఱుంగక యపవర్గకాంక్ష నింద్రు

⁠