పుట:ఆముక్తమాల్యద.pdf/84

సీ.⁠

శుకకదంబము గొలుసులచే నిబద్ధమై                    వారాంగనాగారకారఁ బడఁగ; గిరికానికాయంబు లరిశూన్యబహుపుర                    హర్మ్యవాటికలఁ జెడాడుచుండఁ; గ్రందుగా నితరేతరంబు రాయిడి సేయు                    రాజులు దననూపురమున నొదుఁగ; నెగడు ననావృష్టి నిజబరేభస్పర్ధి                    సమదాన్యకరటి గండములఁ జేర;

⁠

తే.⁠

దానవేళల నతివృష్టి తనకు హస్త గతము గాఁగఁ బ్రతాపాగ్నిఁ గ్రాఁగిపోవు కందకులయందు శలభత గలయ నడఁగ నేలు నాపాండ్యుఁడు మహి నిరీతి గాఁగ.

⁠ 43

వ.⁠

అమ్మహీవల్లభుం డివ్విధంబున సామ్రాజ్యవైభవంబు లనుభవించుచుండఁ గొంతకాలంబున.

⁠ 44

గ్రీష్మము

తే.⁠

పాటలవసుంధరారుహభాగధేయ మాతతమరీచికాంబువర్షాగమంబు ధరణిఁ బొడసూపె నంత నిదాఘసమయ మదుటుతో శాల్మలీఫలవిదళనంబు.

⁠ 45

సీ.⁠

నిర్ఝరప్రబలవేణిక లింకఁ జట్రాలఁ                    బేరిన ప్రాఁచి పెన్పేటు లెగసె నెఱుకులు పడియనీ రివుర గువ్వలఁ బట్టఁ                    బోయునీ రాడదఁ బొలము నెఱసె సురగాలి దవదగ్ధతరుపర్ణతతి రేఁపఁ                    బావురా లని డేగపదుపు దూఱె నిద్రితద్రుచ్ఛాయ నిలువక జరగ వెం                    బడిన యధ్వగపంక్తి పొరలుపెట్టె

⁠