పుట:ఆముక్తమాల్యద.pdf/174

క.⁠

కమలదళేక్షణ సంగీ తమున నెగడు మంద్ర మధ్య తార త్రిస్థా నములకుఁ దీర్చిన రేఖల క్రమమగు రేఖాత్రయమున గంఠం బమరున్.

⁠ 18

తే.⁠

లలన మృదుబాహుయుగబిసలతలు గడఁగి బిసలతాశ్రీల నెల్లను వెస హరించె, మఱి హరింపంగ నవి నెఱి విఱిగి కాదె సారెఁ దమయాత్రఁ దంతులఁ జరపుచుండు.

⁠ 19

మ.⁠

తళుకొత్తు న్భుజకీర్తి వజ్రఘృణి సూత్రస్యూతహారస్ఫుర త్కళికాచిత్రకుచద్వయోపరిగళాధస్స్వల్పవిస్తారదై ర్ఘ్యలసత్తిర్యగురస్తబం బను వివాహాంఛ న్మనోజాతపా టలదంతచ్ఛదబోడబాసికము దండ ల్వోలెఁ గే ళ్లింతికిన్.

⁠ 20

చ.⁠

ఒదవెడు జవ్వనంబు వెలి కొత్తఁగఁ బయ్యెద సిగ్గుఁ గూడి చి, ట్టదుమఁగ లేఁత లౌట దిగ నాఁకకు మీఱను లేక పక్షపుం, జదుమునఁ బ్రక్కల న్మెఱసి చప్పట లై మఱి లావుఁ గూడఁ బైఁ, [1]బొదలె ననంగఁ బిక్కటిలెఁ బొల్తుక చన్నులు నాఁడు నాఁటికిన్.

⁠ 21

తే.⁠

ధృత రఘూత్తమ శాప మొక్కింత విడిచి విడిచి కడకేగ నప్పు డప్పుడ కలిసెడు చక్రయుగ మన ఱొమ్మెయ్యనాక్రమించెఁ గొమిరె చన్నులు [2]లేఁగప్పు కొనల నలర.

⁠ 22

క.⁠

తా రె ట్లట్లుగఁ దమ్ముం జేరిన ముత్తెంపుసరులఁ జేడియచన్నుల్ లోరెంట లుడిపె ఘన మగు వారు నిజార్జవముఁ జేరువారికి నీరే.

⁠ 23

తే.⁠

విరహితతిమీఁదఁ గోపాన మరుఁడు దివియ వేగమై పైఁడి యొఱతోన విసరఁ, గుట్లు

⁠

1. పొదివె
2. పృథుచూచుకముల నమరె