లక్ష్యములు —
గీ. |
అనఘ! యానందరంగ లోకైకమిత్ర, యెలమి నీసూక్తి యమృతరసైక మయ్యె
నింద్రుని హసించునట్టి భోగైకపటిమ, నొనరు నినుఁ బొగడుదురు దివౌకు లెల్ల.
| 149
|
అథర్వణచ్ఛందమున —
గీ. |
హరియె పరమాత్ముఁడును ద్రిలోకైకనాథుఁ, డిందిరాదేవి సకలలోకైకజనని
యుష్ణకరసూనుఁ డయ్యె నక్షౌహణీశుఁ, డట్ల శల్యుఁడు నాథుఁ డక్షౌహిణులకు.
| 150
|
విష్ణుపురాణమున —
క. |
ఉర్వీశతిలక నాపే, రూర్వశి నొకపనికిఁగా దివౌకులమహిమల్
సర్వంబు విడిచి వచ్చితి, నుర్వర నొకకొంతకాల ముండెడుకొఱకున్.
| 151
|
భారతము, విరాటపర్వమున —
ఉ. |
ఆకమలాక్షిరూపమహిమాతిశయంబు మనోహరంబు భో
గైకపరాయణుల్ పురుషు లంగజుఁ డప్రతికారచేష్టిత
స్వీకృతలోకుఁ డట్లగుటఁ జేటు పురమ్మునవారి కెమ్మెయిన్
రా కెటులుండు నిట్టియపరాధపుఁబొత్తు మనంగ వచ్చునే?
| 152
|
భాస్కరరామాయణము, యుద్ధకాండమున —
శా. |
నీకంఠార్పితకాలపాశము శిరోనిర్ఘాతపాతంబు లం
కౌకస్సంచయకాళరాత్రి గళబద్ధోదగ్రకాలాహి క
న్యాకారాగతమృత్యు వౌజనకకన్యన్ వేగ యొప్పించి లో
కైకత్రాణుని రామునిం గనుము నీ కీబుద్ధి గాకుండినన్.
| 153
|
క. |
......ర, సైకము నెమ్మొగము దీనిమృదుమధురోక్తుల్.
| 154
|
వ. |
ఇట్లు అనేకప్రబంధాలలో ఉన్నది గనుక తెలియదగినది.
| 155
|
నఞ్ సమానయతి
ఉత్తమగండచ్ఛందంబున —
క. |
నసమాసనఞ్ సమాసము, లసమమ్ముగ నచ్చుహల్లులన్ యతితగుఁ దా
పసమానసశ్రితమానస, రసజలవిహరణవిలోల రాజమరాళా!
| 156
|
- ↑ వ్రాతప్రతులలో సుభద్రాపరిణయ మని ఉన్నది. విజయవిలాసమునకు అది రెండవపేరు.