పుట:ఆనందరంగరాట్ఛందము (కస్తూరి రంగయ).pdf/14

⁠

మూర్తియై దిగంతపరివ్యాపితవిశాలకీర్తియై ప్రవర్తిల్లునమ్మహాపురుషునిప్రభఁ జూచి సైరింపఁజాలక ప్రాంసుకుంపినీ కార్యధురంధరుం డైన [1]జంన్రాలు పట్టంబునుం బూని దొరతనంబు సేయు ముశియనె జన్రాలు కొన్నికుచోద్యంబులు సేసి నా నాఁట హెచ్చుగా మచ్చరించిన నాజడ దెలిసి యేవిధంబున నైన నితని మట్టు వెట్టెదనని యెంతయుం బంతగించి సీమకు సూత్రంబులు పన్ని లక్షాంతరంబులు కర్చుచేసి విస్తారంబుగా దస్తరంబులు వ్రాయించి ప్రాంసురాజన్యున కాజంన్రాలు దుర్వ్యాపారంబు లెఱింగించి తత్క్షణంబునం బదులుదొరను రప్పించి యాతని చేత నాముశేయే చెరను వానిఁ బట్టి కట్టించి కొట్టించి గిడ్డంగిన వేయించి తనమనం బునం గలచలం బంతయుఁ దీర్చికొని పద్దు చెల్లించితి వని యెల్లవారలుం గొనియాడఁ గుంపిని(ణి)కి ముఖ్యమంత్రియై యవతారపురుషుం డనఁదగిన ముశేను నంతటిదొరచేత మెప్పులొందుచుఁ బెంపొందిన జూచి నవాబులు, సంస్థానపతులు, సాఁటివారలు వర్తకులు నాశ్చర్యంబునం బొదలి యిట్లనిరి.

⁠ 58

సీ.⁠

[2]జాతికొంసేలు మేజాపల్కపైఁ గొట్టి లీల నేఘనుఁడు చెల్లించుకొనియె సీమమట్టు ఫిరాదు చేసి దస్త్రాల్ వ్రాసి యేతంత్రి [3]కపితాను నెత్తఁ గొట్టెఁ డగఁబ్రాంసుదొరలతోఁ దగవుల కేర్పడి యేదిటవరి నిర్వహించి మించెఁ గరితోరుపట్నాలు గలుగుమంత్రులలోనఁ జెలఁగి యేమేటి ప్రసిద్ధిఁ గాంచె

⁠

తే.⁠

సకలభాషలు మాటాడఁ జదువ వ్రాయ, నిపుణత వహించి యెవ్వఁడు నెగడ జగతి నట్టితిరువేంగళేంద్రుగుణాతిశయము, లెలమిఁ బన్నగపతి కైన నెన్న వశమె?

⁠ 59

సీ.⁠

ఏతంత్రి యుజ్జ్వలశ్వేతాతపత్రంబు పరితాపమును జేయుఁ బగతురకును నేజనపాలుని తేజంబు చీఁకట్లు గ్రమ్మించు రిపుకోటికన్నుఁగవల కేనెరయోధసు దానఘనుం డధికము సేయు వైరిశోకానలంబు నేమంత్రి సత్కీర్తి పోముఁ డించిం(కిం)చు నిర్ణిద్రారిసేనాసముద్రములను

⁠

తే.⁠

జగతి నేమేటి నెరడాక సాటియైన, మంత్రులకు గుండె గాలంబుమాడ్కి దనరు నట్టితిరువేంగడేంద్రుదీ టైనయోధ, కలుగ నేర్చునె మూఁడులోకములయందు.

⁠ 60

క.⁠

అతనికులపాలికామణి, పతిభక్తివిశాల బంధుపరిపాల యరుం ధతిసదృశశీల బుధస, మ్మతసద్గుణజాల లక్ష్యమాంబిక వెలయున్.

⁠ 61

చ.⁠

సతిపతు లిద్ద ఱెంతయును సం(తతి)పద గాంచు తలంపునన్ మహా వ్రతములుఁ దీర్థయాత్రలుఁ దపంబులు బ్రాహ్మణపూజయున్ శివా యతనిలయంబులున్ వనచయంబులు సత్రము లగ్రహారముల్ వితతతటాకపాళి చలివెందర లచ్చపుభక్తి సేయఁగన్.

⁠ 62

1. Genaral
2. Council
3. Captain