పుట:ఆనందరంగరాట్ఛందము (కస్తూరి రంగయ).pdf/13

వ.⁠

ఇంతకు మున్ను వివరించి యున్న బొమ్మనృపాలక రామానుజాంబికాగర్భశుక్తిము క్తాయమానభవ్యగాత్రుండును, సకలజనమిత్రుండును, బుణ్యచారిత్రుండును, నైనతిరువేంగడధరణీరమణుండు శుక్లపక్షసుధాకరునిచందంబున దినదినప్రవర్ధమా నుండై రాజాధిరాజపూజనీయుం డై తేజరిల్లుచు.

⁠ 54

సీ.⁠

నీలకంధరురీతి నీలకంధరుభాతిఁ దనదానవిభవంబు ఘనతఁ గాంచ రాజరాజును మీఱి రాజరాజును గేరి తనమహైశ్వర్యంబు ఘనతఁ గాంచఁ జిత్రభానుని గెల్చి చిత్రభాను నదల్చి తనవిక్రమోన్నతి ఘనతఁ గాంచ హరినందనుని మించి హరినందను హసించి తనమోహనాకృతి ఘనతఁ గాంచ

⁠

తే.⁠

నందగోపాలవంశరత్నాకరైక, పూర్ణచంద్రాయితాంగవిస్ఫూర్తి బొమ్మ యావనిపాలరామానుజాంబికాత, నూజుఁ డగుతిరువేంగడేంద్రుండు వెలయు.

⁠ 55

సీ.⁠

అసురగురుం డైన నాతనిదెస కేగి యనుసారిగా మాటలాడఁ గలఁడె చతురాననుండైన నతినిచమత్కృతి కింతైన నుత్తరం బీయఁగలఁడె యలబృహస్పతియైన నతనియోజనరీతి దీర్ఘదర్శితఁ గని తెలుపఁగలఁడె యాదిశేషుండైన నతనివాగ్ధాటికిఁ బ్రతిపోటిగా నిల్చి పల్కఁగలఁడె

⁠

తే.⁠

యెంతమతి యెంతచతురతవయెంతయుక్తి, యెంతవాక్ప్రౌఢి యని జనులెల్లఁ బొగడ నెగడెఁ దిరువేంగళేంద్రుండు జగతిలోని, భూపమాత్రుఁడె యవతారమూర్తి గాక.

⁠ 56

సీ.⁠

తీరనివ్యాజ్యము ల్తిరుగుపూనుచు యుక్తి తీరనితగువులు దీర్చుశక్తి యెటువంటిదొర నైన నెంతలేదనుపద్దు ఫ్రాంసుభాషను కథ ల్పల్కుముద్దు సమయోచితముగ నీసభలఁ బల్కెడునేర్పు హితులనేరములు సహించునోర్పు తనకుఁ బ్రియోక్తు లందఱుఁ బల్కఁదగువీఁక పురుషసింహ మనంగఁ బొసఁగుడాక

⁠

తే.⁠

గాంచి యిలఁ జా(ల)తిదొరల మెప్పించి మించి, కవులఁ దనియించి చుట్టాల గారవించి యహితుల నణంచి దిక్కుల యశము నించి, ప్రబలు శ్రీతిరువేంగడప్రభుకిరీటి.

⁠ 57

వ.⁠

ఇవ్విధంబున మహాయోగశాలి యై ప్రాంసుహింగ్లీజుదినమార్గయొలందాయం పరు దొరుపురతకేశు మొదలయిన జాతిభాషావిశేషంబులఁ బ్రవీణతఁ గాంచి యాయా జాతిఫాదరులకుం దెలియనిగూఢార్థంబులఁ దెలియఁజేసి వారిచే మేలు మేలని పొగడికలు గాంచి యితరమతంబుల మర్మకర్మంబులన్నియుఁ బరిశీలించి జ్ఞాననిధు లయిన సకలకలావల్లభసన్నిభులగు తోటరమల్లు ప్రముఖులకు విశదపడనిభావార్ధం బుల మాటమాత్రంబున నాటలవలెఁ దేటపఱిచి బుద్ధి మూర్తీభవించినట్లు ధైర్యంబు సాక్షాత్కరించినట్లు, చాతుర్యంబు రూపంబు గైకొన్నట్లు నీతి యాకృతిం దాల్చి నట్లు దేజరిల్లి పరేంగితజ్ఞానంబును, దారతమ్యవిమర్శనంబును ఘటనాఘటన సామర్థ్యంబును నుచితానుచితకార్యవివేచనంబును గలిగి యవ్యాజపరోకోపకార

⁠